tu dekhe to ek nazar bahut hai

tū dekhe to ik nazar bahut hai

ulfat tirī is qadar bahut hai

ai dil tū na kar hamārī ḳhasmī

bas ik dil-e-kīna-var bahut hai

Tuk aur bhī sabr kar ki mujh ko

likhnā abhī nāma-bar bahut hai

ham aabla ban rahe haiñ ham ko

ik jumbish-e-neshtar bahut hai

shīshe meñ tire sharāb saaqī

Tuk ham ko bhī de agar bahut hai

is rañg se apne ghar na jaanā

dāman tirā ḳhuuñ meñ tar bahut hai

afsāna-e-ishq kis se kahiye

is baat meñ dard-e-sar bahut hai

mujh ko nahīñ aah kā bharosa

ya.anī ki ye be-asar bahut hai

is dil kī to tū ḳhabar rakkhā kar

ye aap se be-ḳhabar bahut hai

kyā bigḌī hai aaj 'mus.hafī' se

is kūche meñ shor-o-shar bahut hai

tu dekhe to ek nazar bahut hai

ulfat teri is qadar bahut hai

ai dil tu na kar hamari KHasmi

bas ek dil-e-kina-war bahut hai

Tuk aur bhi sabr kar ki mujh ko

likhna abhi nama-bar bahut hai

hum aabla ban rahe hain hum ko

ek jumbish-e-neshtar bahut hai

shishe mein tere sharab saqi

Tuk hum ko bhi de agar bahut hai

is rang se apne ghar na jaana

daman tera KHun mein tar bahut hai

afsana-e-ishq kis se kahiye

is baat mein dard-e-sar bahut hai

mujh ko nahin aah ka bharosa

yani ki ye be-asar bahut hai

is dil ki to tu KHabar rakkha kar

ye aap se be-KHabar bahut hai

kya bigDi hai aaj 'mushafi' se

is kuche mein shor-o-shar bahut hai