KHwab aae to be-shumar aae

ḳhvāb aa.e to be-shumār aa.e

jo bhī aa.e vo dil-figār aa.e

lag ga.ī bhiiḌ mere āñgan meñ

mujh se milne jo mere yaar aa.e

maiñ ne us ko uThā ke chuum liyā

mere raste meñ jo bhī ḳhaar aa.e

un kī tasvīr haath meñ le kar

sochtā huuñ ki kuchh qarār aa.e

baiTh saktā thā chhāñv meñ us kī

raah meñ peḌ sāya-dār aa.e

maiñ ne ā.īna rakh ke dekh liyā

jo bhī chehre the dāġhdār aa.e

ham ne dekhā use 'hasan' jis dam

'aks āñkhoñ meñ ham utaar aa.e

KHwab aae to be-shumar aae

jo bhi aae wo dil-figar aae

lag gai bhiD mere aangan mein

mujh se milne jo mere yar aae

main ne us ko uTha ke chum liya

mere raste mein jo bhi KHar aae

un ki taswir hath mein le kar

sochta hun ki kuchh qarar aae

baiTh sakta tha chhanw mein us ki

rah mein peD saya-dar aae

main ne aaina rakh ke dekh liya

jo bhi chehre the daghdar aae

hum ne dekha use 'hasan' jis dam

'aks aankhon mein hum utar aae