samne hai mere jo kuchh wo mujhe jachta nahin

sāmne hai mere jo kuchh vo mujhe jachtā nahīñ

de sukūñ jo qalb ko manzar koī aisā nahīñ

bazm-e-duniyā se nahīñ haT paayā merā dhyān kyuuñ

jabki pahle sā mirā us se koī rishta nahīñ

ḳhud hī apne ko nazar aatā huuñ maiñ ik ajnabī

lagtā hai andar hai mere koī jo mujh sā nahīñ

zindagī par ik udāsī chhā.ī sī lagtī 'ajab

vo udāsī arth jis kā mujh pe hī khultā nahīñ

ik 'ajab mausam kā manzar dekhtā huuñ raat din

dūsrā manzar koī dil ko bhalā lagtā nahīñ

sarsutī sī ik nadī poshīda mujh meñ thī magar

pyaas apnī ḳhud hī maiñ us se bujhā paayā nahīñ

samne hai mere jo kuchh wo mujhe jachta nahin

de sukun jo qalb ko manzar koi aisa nahin

bazm-e-duniya se nahin haT paya mera dhyan kyun

jabki pahle sa mera us se koi rishta nahin

KHud hi apne ko nazar aata hun main ek ajnabi

lagta hai andar hai mere koi jo mujh sa nahin

zindagi par ek udasi chhai si lagti 'ajab

wo udasi arth jis ka mujh pe hi khulta nahin

ek 'ajab mausam ka manzar dekhta hun raat din

dusra manzar koi dil ko bhala lagta nahin

sarsuti si ek nadi poshida mujh mein thi magar

pyas apni KHud hi main us se bujha paya nahin