nairangi-e-ayyam ki baat aa hi gai hai

nairangī-e-ayyām kī baat aa hī ga.ī hai

āġhāz meñ anjām kī baat aa hī ga.ī hai

jab āzar-e-taḳh.īl ne but koī tarāshā

kāshī tire asnām kī baat aa hī ga.ī hai

mushtāq nigāhoñ kī jasārat pe sar-e-bazm

gustāḳhī-o-ilzām kī baat aa hī ga.ī hai

hālāt ke tapte hue vīrān khañDar meñ

taskīn-e-dar-o-bām kī baat aa hī ga.ī hai

tārīḳh-e-tamaddun ho ki ārā.ish-e-getī

fankār tire kaam kī baat aa hī ga.ī hai

rāhat-kada-e-ḳhvāb-o-tarab-gāh meñ 'māhir'

kuchh farz kī kuchh kaam kī baat aa hī ga.ī hai

nairangi-e-ayyam ki baat aa hi gai hai

aaghaz mein anjam ki baat aa hi gai hai

jab aazar-e-taKHil ne but koi tarasha

kashi tere asnam ki baat aa hi gai hai

mushtaq nigahon ki jasarat pe sar-e-bazm

gustaKHi-o-ilzam ki baat aa hi gai hai

haalat ke tapte hue viran khanDar mein

taskin-e-dar-o-baam ki baat aa hi gai hai

tariKH-e-tamaddun ho ki aaraish-e-geti

fankar tere kaam ki baat aa hi gai hai

rahat-kada-e-KHwab-o-tarab-gah mein 'mahir'

kuchh farz ki kuchh kaam ki baat aa hi gai hai