sab hadsat-e-baKHt hawa mein uchhaal de
sab hādsāt-e-baḳht havā meñ uchhāl de
duniyā ke saare ġham isī jholī meñ Daal de
be-ḳhauf ho ke jiine kā andāz siikh le
nākāmiyoñ kā ḳhauf jigar se nikāl de
ḳhud chal ke zer-e-pā tire ā.eñgī manzileñ
hāthoñ se aise apne muqaddar ko Dhaal de
'maikash' tamām 'umr rahe sab se be-ḳhabar
murshid kuchh aisī mai mire pyāle meñ Daal de
sab hadsat-e-baKHt hawa mein uchhaal de
duniya ke sare gham isi jholi mein Dal de
be-KHauf ho ke jine ka andaz sikh le
nakaamiyon ka KHauf jigar se nikal de
KHud chal ke zer-e-pa tere aaengi manzilen
hathon se aise apne muqaddar ko Dhaal de
'maikash' tamam 'umr rahe sab se be-KHabar
murshid kuchh aisi mai mere pyale mein Dal de
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
