jism ka sath chhuTa aap se bahar hum hain
jism kā saath chhuTā aap se bāhar ham haiñ
ab to apne liye ik ġhair se bad-tar ham haiñ
dasht-e-ummīd kī jānib jo baḌhāte haiñ qadam
maut kahtī hai ye āhista ki sar par ham haiñ
fikr kar rakhtī hai sarmā ke liye garmā meñ
ek chyūñTī se bhī tadbīr meñ kamtar ham haiñ
dil ye kahtā hai hameñ dekh kitāboñ pe na jā
qudrat-e-sāne'-e-maḳhlūq ke daftar ham haiñ
phir to ho jā.eñge bāzār-e-jahāñ meñ mahñge
'shād' arzāñ haiñ abhī tak ki mayassar ham haiñ
jism ka sath chhuTa aap se bahar hum hain
ab to apne liye ek ghair se bad-tar hum hain
dasht-e-ummid ki jaanib jo baDhate hain qadam
maut kahti hai ye aahista ki sar par hum hain
fikr kar rakhti hai sarma ke liye garma mein
ek chyunTi se bhi tadbir mein kamtar hum hain
dil ye kahta hai hamein dekh kitabon pe na ja
qudrat-e-sane'-e-maKHluq ke daftar hum hain
phir to ho jaenge bazar-e-jahan mein mahnge
'shad' arzan hain abhi tak ki mayassar hum hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
