daman saba na chhu sake jis shah-sawar ka

dāman sabā na chhū sake jis shah-savār kā

pahuñche kab us ko haath hamāre ġhubār kā

mauj-e-nasīm aaj hai ālūda gard se

dil ḳhaak ho gayā hai kisī be-qarār kā

ḳhūn-e-jigar sharāb o tarashshah hai chashm-e-tar

sāġhar mirā giro nahīñ abr-e-bahār kā

chashm-e-karam se āshiq-e-vahshī asiir ho

ulfat hai dām-e-āhū-e-dil ke shikār kā

sauñpā thā kyā junūñ ne garebān ko mire

letā hai ab hisāb jo ye taar taar kā

'saudā' sharāb-e-ishq na kahte the ham, na pī

paayā mazā na tū ne ab us ke ḳhumār kā

daman saba na chhu sake jis shah-sawar ka

pahunche kab us ko hath hamare ghubar ka

mauj-e-nasim aaj hai aaluda gard se

dil KHak ho gaya hai kisi be-qarar ka

KHun-e-jigar sharab o tarashshah hai chashm-e-tar

saghar mera giro nahin abr-e-bahaar ka

chashm-e-karam se aashiq-e-wahshi asir ho

ulfat hai dam-e-ahu-e-dil ke shikar ka

saunpa tha kya junun ne gareban ko mere

leta hai ab hisab jo ye tar tar ka

'sauda' sharab-e-ishq na kahte the ham, na pi

paya maza na tu ne ab us ke KHumar ka