ug raha hai dar-o-diwar pe sabza ghaalib

ug rahā hai dar-o-dīvār pe sabza 'ġhālib'

ham bayābāñ meñ haiñ aur ghar meñ bahār aa.ī hai

fursat-e-ā.īna-e-sad-rang-e-ḳhud-ārā.ī hai

roz-o-shab yak kaf-e-afsos-e-tamāshā.ī hai

vahshat-e-zaḳhm-e-vafā dekh ki sar-tā-sar dil

baḳhiya juuñ jauhar-e-teġh āfat-e-gīrā.ī hai

sham.a-āsā che sar-e-dā'vā va kū pā-e-sabāt

gul-e-sad-sho'la ba-yak -jeb-e-shakebā.ī hai

nāla-e-ḳhūnīñ varaq-o-dil gul-e-mazmūn-e-shafaq

chaman-ārā-e-chamanār-e-nafas vahshat-e-tanhā.ī hai

bū-e-gul fitna-e-bedār-o-chaman jāma-e-ḳhvāb

vasl bar rang-e-tapish kisvat-e-rusvā.ī hai

sharm tūfān-e-ḳhizāñ rang-e-tarab-gāh-e-bahār

māhtābī ba-kaf-e-chashm-e-tamāshā.ī hai

bāġh-e-ḳhāmoshī-e-dil se suḳhan-e-'ishq 'asad'

nafas-e-soḳhta ramz-e-chaman īmā.ī hai

ug raha hai dar-o-diwar pe sabza 'ghaalib'

hum bayaban mein hain aur ghar mein bahaar aai hai

fursat-e-aina-e-sad-rang-e-KHud-arai hai

roz-o-shab yak kaf-e-afsos-e-tamashai hai

wahshat-e-zaKHm-e-wafa dekh ki sar-ta-sar dil

baKHiya jun jauhar-e-tegh aafat-e-girai hai

shama-asa che sar-e-da'wa wa ku pa-e-sabaat

gul-e-sad-sho'la ba-yak -jeb-e-shakebai hai

nala-e-KHunin waraq-o-dil gul-e-mazmun-e-shafaq

chaman-ara-e-chamanar-e-nafas wahshat-e-tanhai hai

bu-e-gul fitna-e-bedar-o-chaman jama-e-KHwab

wasl bar rang-e-tapish kiswat-e-ruswai hai

sharm tufan-e-KHizan rang-e-tarab-gah-e-bahaar

mahtabi ba-kaf-e-chashm-e-tamashai hai

bagh-e-KHamoshi-e-dil se suKHan-e-'ishq 'asad'

nafas-e-soKHta ramz-e-chaman imai hai