ye garm ret ye sahra nibha ke chalna hai
ye garm ret ye sahrā nibhā ke chalnā hai
safar tavīl hai paanī bachā ke chalnā hai
bas is ḳhayāl se ghabrā ke chhaT ga.e sab log
ye shart thī ki qatāreñ banā ke chalnā hai
vo aa.e aur zamīñ rauñd kar chale bhī ga.e
hameñ bhī apnā ḳhasāra bhulā ke chalnā hai
kuchh aise farz bhī zimme haiñ zimme-dāroñ par
jinheñ hamāre diloñ ko dukhā ke chalnā hai
shanāsā zehnoñ pe ta.ane asar nahīñ karte
tū ajnabī hai tujhe zahr khā ke chalnā hai
vo dīda-var ho ki shā.er ki masḳhara koī
yahāñ sabhī ko tamāsha dikhā ke chalnā hai
vo apne husn kī ḳhairāt dene vaale haiñ
tamām jism ko kaasa banā ke chalnā hai
ye garm ret ye sahra nibha ke chalna hai
safar tawil hai pani bacha ke chalna hai
bas is KHayal se ghabra ke chhaT gae sab log
ye shart thi ki qataren bana ke chalna hai
wo aae aur zamin raund kar chale bhi gae
hamein bhi apna KHasara bhula ke chalna hai
kuchh aise farz bhi zimme hain zimme-daron par
jinhen hamare dilon ko dukha ke chalna hai
shanasa zehnon pe tane asar nahin karte
tu ajnabi hai tujhe zahr kha ke chalna hai
wo dida-war ho ki shaer ki masKHara koi
yahan sabhi ko tamasha dikha ke chalna hai
wo apne husn ki KHairaat dene wale hain
tamam jism ko kasa bana ke chalna hai
- Book : Chandi Ka waraq (Pg. 19)
- Author : Ahmad Kamal Parvazi
- Publication : Surkhwab Publication (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
