mujhse ye pyas ka sahra nahin dekha jata
mujh se ye pyaas kā sahrā nahīñ dekhā jaatā
roz ab ḳhvāb meñ dariyā nahīñ dekhā jaatā
zarf kā aks kahīñ aur hī chal kar dekheñ
ā.inoñ meñ to ye chehra nahīñ dekhā jaatā
tū hañsī le ke mirī aañkh ko aañsū de de
mujh se sūkhā huā dariyā nahīñ dekhā jaatā
dil ke aurāq kī tahrīr paḌhī jaatī hai
un ke darbār meñ sajda nahīñ dekhā jaatā
pursish-e-ġham kī sabhī rasm haiñ baaqī lekin
in charāġhoñ meñ ujālā nahīñ dekhā jaatā
ahmiyat johd-e-musalsal kī nahīñ kam 'hāmid'
sirf taqdīr kā likkhā nahīñ dekhā jaatā
mujh se ye pyas ka sahra nahin dekha jata
roz ab KHwab mein dariya nahin dekha jata
zarf ka aks kahin aur hi chal kar dekhen
aainon mein to ye chehra nahin dekha jata
tu hansi le ke meri aankh ko aansu de de
mujh se sukha hua dariya nahin dekha jata
dil ke auraq ki tahrir paDhi jati hai
un ke darbar mein sajda nahin dekha jata
pursish-e-gham ki sabhi rasm hain baqi lekin
in charaghon mein ujala nahin dekha jata
ahmiyat johd-e-musalsal ki nahin kam 'hamid'
sirf taqdir ka likkha nahin dekha jata
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
