koi manzar bhi suhana nahin rahne dete
koī manzar bhī suhānā nahīñ rahne dete
aañkh meñ rañg-e-tamāshā nahīñ rahne dete
chahchahāte hue panchhī ko uḌā dete haiñ
kisī sar meñ koī saudā nahīñ rahne dete
raushnī kā koī parcham jo uThā kar nikle
is tarah daar ko zinda nahīñ rahne dete
kyā zamāna hai ye kyā log haiñ kyā duniyā hai
jaisā chāhe koī vaisā nahīñ rahne dete
kyā kaheñ dīda-varo ham to vo dariyā-dil haiñ
kabhī sāhil ko bhī pyāsā nahīñ rahne dete
rahzanoñ kā vahī manshūr hai ab bhī 'fāriġh'
sar-kashīda koī jaada nahīñ rahne dete
koi manzar bhi suhana nahin rahne dete
aankh mein rang-e-tamasha nahin rahne dete
chahchahate hue panchhi ko uDa dete hain
kisi sar mein koi sauda nahin rahne dete
raushni ka koi parcham jo uTha kar nikle
is tarah dar ko zinda nahin rahne dete
kya zamana hai ye kya log hain kya duniya hai
jaisa chahe koi waisa nahin rahne dete
kya kahen dida-waro hum to wo dariya-dil hain
kabhi sahil ko bhi pyasa nahin rahne dete
rahzanon ka wahi manshur hai ab bhi 'farigh'
sar-kashida koi jada nahin rahne dete
- Book : Shora-e-London (Pg. 150)
- Author : Jauhar Zahiri
- Publication : Books From India (U.K) Ltd. 45, Museum Street,Londan W.C-1 (1985)
- Edition : 1985
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
