dur tak raushni hai ghaur se dekh
duur tak raushnī hai ġhaur se dekh
maut bhī zindagī hai ġhaur se dekh
un charāġhoñ ke ba.ad ai duniyā
kis qadar tīrgī hai ġhaur se dekh
rahnumāoñ kā jazba-e-īsār
ye bhī ik rahzanī hai ġhaur se dekh
dushmanī ko burā na kah ai dost
dekh kyā dostī hai ġhaur se dekh
tark-e-tadbīr-o-justujū ke ba.ad
zindagī zindagī hai ġhaur se dekh
gar ye shabnam kā rañg laayā hai
har taraf tāzgī hai ġhaur se dekh
haiñ tahayyur meñ vo bhī ai 'aḳhtar'
kyā tirī shā.irī hai ġhaur se dekh
dur tak raushni hai ghaur se dekh
maut bhi zindagi hai ghaur se dekh
un charaghon ke baad ai duniya
kis qadar tirgi hai ghaur se dekh
rahnumaon ka jazba-e-isar
ye bhi ek rahzani hai ghaur se dekh
dushmani ko bura na kah ai dost
dekh kya dosti hai ghaur se dekh
tark-e-tadbir-o-justuju ke baad
zindagi zindagi hai ghaur se dekh
gar ye shabnam ka rang laya hai
har taraf tazgi hai ghaur se dekh
hain tahayyur mein wo bhi ai 'aKHtar'
kya teri shairi hai ghaur se dekh
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
