dilon ki uqda-kushai ka waqt hai ki nahin
diloñ kī uqda-kushā.ī kā vaqt hai ki nahīñ
ye aadmī kī ḳhudā.ī kā vaqt hai ki nahīñ
kaho sitāra-shanāso falak kā haal kaho
ruḳhoñ se parda-kushā.ī kā vaqt hai ki nahīñ
havā kī narm-ravī se javāñ huā hai koī
fareb-e-tañg-qabā.ī kā vaqt hai ki nahīñ
ḳhalal-pazīr huā rabt-e-mehr-o-māh meñ vaqt
batā ye tujh se judā.ī kā vaqt hai ki nahīñ
alag siyāsat-e-darbāñ se dil meñ hai ik baat
ye vaqt merī rasā.ī kā vaqt hai ki nahīñ
diloñ ko markaz-e-asrār kar ga.ī jo nigah
usī nigah kī gadā.ī kā vaqt hai ki nahīñ
dilon ki uqda-kushai ka waqt hai ki nahin
ye aadmi ki KHudai ka waqt hai ki nahin
kaho sitara-shanaso falak ka haal kaho
ruKHon se parda-kushai ka waqt hai ki nahin
hawa ki narm-rawi se jawan hua hai koi
fareb-e-tang-qabai ka waqt hai ki nahin
KHalal-pazir hua rabt-e-mehr-o-mah mein waqt
bata ye tujh se judai ka waqt hai ki nahin
alag siyasat-e-darban se dil mein hai ek baat
ye waqt meri rasai ka waqt hai ki nahin
dilon ko markaz-e-asrar kar gai jo nigah
usi nigah ki gadai ka waqt hai ki nahin
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
