bas ki ek lams ki ummid pe ware hue hain

bas ki ik lams kī ummīd pe vaare hue haiñ

so tire sāmne ye ḳhaak pasāre hue haiñ

jaane kab un ko bujhā baiThe koī bād-e-alam

sar-e-mizhgān-e-tamannā jo sitāre hue haiñ

zindagī tū bhī hameñ vaise hī ik roz guzār

jis tarah ham tujhe barsoñ se guzāre hue haiñ

nit-na.e naqsh kareñ us pe aziyyat ke raqam

aa ki ham taḳhtī-e-dil apnī pachāre hue haiñ

kab kuchal jaa.eñ kisī paañv se ham barg-e-vajūd

vaqt kī dhuup meñ vaise hī karāre hue haiñ

jānte haiñ ki tū hī ishq-badan ko hai libās

ham tirā ruup jo āshuftagī dhāre hue haiñ

apnī jur.at kī satā.ish ho ki ham chob-mizāj

rabt rakhte haiñ sadā un se jo aare hue haiñ

bas ki ek lams ki ummid pe ware hue hain

so tere samne ye KHak pasare hue hain

jaane kab un ko bujha baiThe koi baad-e-alam

sar-e-mizhgan-e-tamanna jo sitare hue hain

zindagi tu bhi hamein waise hi ek roz guzar

jis tarah hum tujhe barson se guzare hue hain

nit-nae naqsh karen us pe aziyyat ke raqam

aa ki hum taKHti-e-dil apni pachaare hue hain

kab kuchal jaen kisi panw se hum barg-e-wajud

waqt ki dhup mein waise hi karare hue hain

jaante hain ki tu hi ishq-badan ko hai libas

hum tera rup jo aashuftagi dhaare hue hain

apni jurat ki sataish ho ki hum chob-mizaj

rabt rakhte hain sada un se jo aare hue hain