yaadon ke bagh se wo hara-pan nahin gaya
yādoñ ke baaġh se vo harā-pan nahīñ gayā
sāvan ke din chale ga.e sāvan nahīñ gayā
Thahrā thā ittifāq se vo dil meñ ek baar
phir chhoḌ kar kabhī ye nasheman nahīñ gayā
har gul meñ dekhtā ruḳh-e-lailā vo aañkh se
afsos qais dasht se gulshan nahīñ gayā
rakkhā nahīñ musavvir-e-fitrat ne mū-qalam
shah-pāra ban rahā hai abhī ban nahīñ gayā
maiñ ne ḳhushī se kī hai ye tanhā.ī iḳhtiyār
mujh par lagā ke vo koī qadġhan nahīñ gayā
thā va.ada shaam kā magar aa.e vo raat ko
maiñ bhī kivāḌ kholne fauran nahīñ gayā
dushman ko maiñ ne pyaar se raazī kiyā 'shu.ūr'
us ke muqāble ke liye tan nahīñ gayā
yaadon ke bagh se wo hara-pan nahin gaya
sawan ke din chale gae sawan nahin gaya
Thahra tha ittifaq se wo dil mein ek bar
phir chhoD kar kabhi ye nasheman nahin gaya
har gul mein dekhta ruKH-e-laila wo aankh se
afsos qais dasht se gulshan nahin gaya
rakkha nahin musawwir-e-fitrat ne mu-qalam
shah-para ban raha hai abhi ban nahin gaya
main ne KHushi se ki hai ye tanhai iKHtiyar
mujh par laga ke wo koi qadghan nahin gaya
tha wada sham ka magar aae wo raat ko
main bhi kiwaD kholne fauran nahin gaya
dushman ko main ne pyar se raazi kiya 'shuur'
us ke muqable ke liye tan nahin gaya
Source:
Dil Ka Kia Rang Karoon (Pg. 85)
- Author: Anwer Shaoor
-
- Edition: 2014
- Publisher: Syed Farid Hussain
- Year of Publication: 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
