aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wahshi the bu-e-gul ki tarah is jahan mein hum

Haidar Ali Aatish

wahshi the bu-e-gul ki tarah is jahan mein hum

Haidar Ali Aatish

MORE BYHaidar Ali Aatish

    vahshī the bū-e-gul tarah is jahāñ meñ ham

    nikle to phir ke aa.e na apne makāñ meñ ham

    sākin haiñ josh-e-ashk se āb-e-ravāñ meñ ham

    rahte haiñ misl-e-mardum-e-ābī jahāñ meñ ham

    shaidā-e-rū-e-gul na to shaidā-e-qadd-e-sarv

    sayyād ke shikār haiñ is bostāñ meñ ham

    niklī laboñ se aah ki gardūñ nishāna thā

    goyā ki tiir joḌe hue the kamāñ meñ ham

    ālūda-e-gunāh hai apnā riyāz bhī

    shab kāTte haiñ jaag ke muġh dukāñ meñ ham

    himmat pas-az-fanā sabab-e-zikr-e-ḳhair hai

    murdoñ naam sunte haiñ har dāstāñ meñ ham

    saaqī hai yār-e-māh-liqā hai sharāb hai

    ab bādshāh-e-vaqt haiñ apne makāñ meñ ham

    nairañg-e-rozgār se aiman haiñ shakl-e-sarv

    rakhte haiñ ek haal bahār-o-ḳhizāñ meñ ham

    duniyā o āḳhirat meñ talabgār haiñ tire

    hāsil tujhe samajhte haiñ donoñ jahāñ meñ ham

    paidā huā hai apne liye boriyā-e-faqr

    ye nīstāñ hai sher haiñ is nīstāñ meñ ham

    ḳhvāhāñ koī nahīñ to kuchh is ojab nahīñ

    jins-e-girāñ-bahā haiñ falak dukāñ meñ ham

    likkhā hai kis ke ḳhanjar-e-mizhgāñ us ne vasf

    ik zaḳhm dekhte haiñ qalam zabāñ meñ ham

    kyā haal hai kisī ne na pūchhā hazār haif

    nālāñ rahe jaras tarah kārvāñ meñ ham

    aayā hai yaar fātiha paḌhne ko qabr par

    bedār baḳht-e-ḳhufta hai ḳhvāb-e-girāñ meñ ham

    shāgird tarz-e-ḳhanda-zanī meñ hai gul tirā

    ustād-e-andalīb haiñ soz-o-fuġhāñ meñ ham

    bāġh-e-jahāñ ko yaad kareñge adam meñ kyā

    kunj-e-qafas se tañg rahe āshiyāñ meñ ham

    allāh-re be-qarārī-e-dil hijr-e-yār meñ

    gaahe zamīñ meñ the to gahe āsmāñ meñ ham

    darvāza band rakhte haiñ misl-e-hubāb-e-bahr

    qufl-e-durūñ-ḳhāna haiñ apne makāñ meñ ham

    'ātish' suḳhan qadr zamāne se uTh ga.ī

    maqdūr ho to qufl lagā deñ zabāñ meñ ham

    wahshi the bu-e-gul ki tarah is jahan mein hum

    nikle to phir ke aae na apne makan mein hum

    sakin hain josh-e-ashk se aab-e-rawan mein hum

    rahte hain misl-e-mardum-e-abi jahan mein hum

    shaida-e-ru-e-gul na to shaida-e-qadd-e-sarw

    sayyaad ke shikar hain is bostan mein hum

    nikli labon se aah ki gardun nishana tha

    goya ki tir joDe hue the kaman mein hum

    aaluda-e-gunah hai apna riyaz bhi

    shab kaTte hain jag ke mugh ki dukan mein hum

    himmat pas-az-fana sabab-e-zikr-e-KHair hai

    murdon ka nam sunte hain har dastan mein hum

    saqi hai yar-e-mah-liqa hai sharab hai

    ab baadshah-e-waqt hain apne makan mein hum

    nairang-e-rozgar se aiman hain shakl-e-sarw

    rakhte hain ek haal bahaar-o-KHizan mein hum

    duniya o aaKHirat mein talabgar hain tere

    hasil tujhe samajhte hain donon jahan mein hum

    paida hua hai apne liye boriya-e-faqr

    ye nistan hai sher hain is nistan mein hum

    KHwahan koi nahin to kuchh is ka ojab nahin

    jins-e-giran-baha hain falak ki dukan mein hum

    likkha hai kis ke KHanjar-e-mizhgan ka us ne wasf

    ek zaKHm dekhte hain qalam ki zaban mein hum

    kya haal hai kisi ne na puchha hazar haif

    nalan rahe jaras ki tarah karwan mein hum

    aaya hai yar fatiha paDhne ko qabr par

    bedar baKHt-e-KHufta hai KHwab-e-giran mein hum

    shagird tarz-e-KHanda-zani mein hai gul tera

    ustad-e-andalib hain soz-o-fughan mein hum

    bagh-e-jahan ko yaad karenge adam mein kya

    kunj-e-qafas se tang rahe aashiyan mein hum

    allah-re be-qarari-e-dil hijr-e-yar mein

    gahe zamin mein the to gahe aasman mein hum

    darwaza band rakhte hain misl-e-hubab-e-bahr

    qufl-e-durun-KHana hain apne makan mein hum

    'atish' suKHan ki qadr zamane se uTh gai

    maqdur ho to qufl laga den zaban mein hum

    Source:

    Kulliyat-e-Khwaja Haidar Ali Aatish (Pg. 151)

    • Author: Haidar Ali Aatish
      • Publisher: Munshi Nawal Kishor, Lucknow

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now