aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

uske nibhne ke kuchh nahin asbab

Meer Mehdi Majrooh

uske nibhne ke kuchh nahin asbab

Meer Mehdi Majrooh

MORE BYMeer Mehdi Majrooh

    us ke nibhne ke kuchh nahīñ asbāb

    vo taġhāful-shi.ār maiñ be-tāb

    vājib-ul-qatl hai dil-e-betāb

    kushta honā ḳhuub hai sīmāb

    abr tīrgī meñ ham ko to

    sūjhtā kuchh nahīñ sivā.e sharāb

    apnī kashtī hai ḳhudā-hāfiz

    pīchhe tūfāñ hai sāmne girdāb

    bosa māñgā to ye javāb milā

    sīkhiye pahle ishq ke ādāb

    us ko phirtā hai DhūñDhtā har-sū

    kyuuñ kar āñkhoñ se uḌ na jaa.e ḳhvāb

    dard-e-ulfat jo hote marte

    ye aziyyat na khīñchte ahbāb

    nahīñ mumkin ki jam.a hoñ donoñ

    sāqī-e-mehr-vash shab-e-mahtāb

    sāmne us ke jo Thahar jaa.eñ

    nahīñ be-tābiyoñ ko itnī taab

    ahl-e-ālam se chāhtā huuñ vafā

    us tālib huuñ jo ki hai nāyāb

    ishq ke saath ga.e dil-o-dīñ

    aa ga.ī sail bah gayā asbāb

    saaf fiqre huuñ aur hamīñ par hoñ

    sheva achchhā to hai mirā ādāb

    hotī gar is jahāñ meñ kuchh ḳhūbī

    kahte kyuuñ phir sifat meñ is ḳharāb

    āzmānā na dil ko saḳhtī se

    TuuT jaa.e na ye dur-e-nāyāb

    kis tarah bahr-e-ishq se niklūñ

    ye to dariyā kahīñ nahīñ pāyāb

    sho.ala-e-husn terā kyā kahnā

    phūñk de us ke parda-hā-e-hijāb

    us shoḳhī hai ta.ajjub kyā

    husn ye kuchh aur us pe ain shabāb

    'ġhālib' aa.e haiñ laao ai 'majrūh'

    bāda-e-nāb meñ milā ke gulāb

    us ke nibhne ke kuchh nahin asbab

    wo taghaful-shiar main be-tab

    wajib-ul-qatl hai dil-e-betab

    kushta hona hi KHub hai simab

    abr ki tirgi mein hum ko to

    sujhta kuchh nahin siwae sharab

    apni kashti ka hai KHuda-hafiz

    pichhe tufan hai samne girdab

    bosa manga to ye jawab mila

    sikhiye pahle ishq ke aadab

    us ko phirta hai DhunDhta har-su

    kyun kar aankhon se uD na jae KHwab

    dard-e-ulfat jo hote hi marte

    ye aziyyat na khinchte ahbab

    nahin mumkin ki jama hon donon

    saqi-e-mehr-wash shab-e-mahtab

    samne us ke jo Thahar jaen

    nahin be-tabiyon ko itni tab

    ahl-e-alam se chahta hun wafa

    us ka talib hun jo ki hai nayab

    ishq ke sath hi gae dil-o-din

    aa gai sail bah gaya asbab

    saf fiqre hun aur hamin par hon

    shewa achchha to hai mera aadab

    hoti gar is jahan mein kuchh KHubi

    kahte kyun phir sifat mein is ki KHarab

    aazmana na dil ko saKHti se

    TuT jae na ye dur-e-nayab

    kis tarah bahr-e-ishq se niklun

    ye to dariya kahin nahin payab

    shoala-e-husn tera kya kahna

    phunk de us ke parda-ha-e-hijab

    us ki shoKHi ka hai tajjub kya

    husn ye kuchh aur us pe ain shabab

    'ghaalib' aae hain lao ai 'majruh'

    baada-e-nab mein mila ke gulab

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now