aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aaftab aae chamak kar jo sar-e-jam-e-sharab

Ahmad Husain Mail

aaftab aae chamak kar jo sar-e-jam-e-sharab

Ahmad Husain Mail

MORE BYAhmad Husain Mail

    āftāb aa.e chamak kar jo sar-e-jām-e-sharāb

    rind samjheñ ki hai sādiq sahar-e-jām-e-sharāb

    sab ke hāthoñ pe thā shab-bhar safar-e-jām-e-sharāb

    har ḳhat-e-dast banā rah-guzar-e-jām-e-sharāb

    duḳhtar-e-raz pe gireñ mast patañgoñ tarah

    sham-e-mahfil ho ye laḳht-e-jigar-e-jām-e-sharāb

    thaam le dast-e-subū aa.e jo chalne meñ lachak

    ḳhat-e-baġhdād ho mū-e-kamar-e-jām-e-sharāb

    tūr-e-sīnā gumāñ ho ḳhum-e-mai par sab ko

    is tarah hosh uḌaao asar-e-jām-e-sharāb

    sāġhar-e-mai meñ nahīñ partav-e-ḳhāl-e-sāqī

    hai kaf-e-duḳhtar-e-raz meñ sipar-e-jām-e-sharāb

    ḳhaak mai-ḳhāne ban jaatī qayāmat pis kar

    har qadam par jo lachaktī kamar-e-jām-e-sharāb

    aaj mai-noshoñ majma.a hai kahāñ ai saaqī

    kaun bazm meñ hai shor-o-shar-e-jām-e-sharāb

    jitne mai-ḳhvār haiñ saaqī se gale milte haiñ

    sahar-e-īd banī hai ḳhabar-e-jām-e-sharāb

    shīsha-e-mai se uḌā kaag kabūtar tarah

    naama pahuñchāne chalā nāma-bar-e-jām-e-sharāb

    mauj-e-sahbā pe girā sapna-e-mīnā uḌ kar

    hai mire sāmne teġh-o-sipar-e-jām-e-sharāb

    mai pilātā hai agar Dhāñp le siina saaqī

    tere joban ko lagegī nazar-e-jām-e-sharāb

    āftāb aa ke sikhātā hai chalan shab-bhar

    raat ko hotā hai aksar guzar-e-jām-e-sharāb

    dast-e-sāqī meñ rahe dast-e-qadah-kash meñ rahe

    gardan-e-shīsha-e-sahbā kamar-e-jām-e-sharāb

    mast karte haiñ do-ālam ko yahī do ḳhud-mast

    lazzat-e-naġhma-e-mutrib asar-e-jām-e-sharāb

    kyā ġhazab hai ki tirā hoñTh na chūse 'mā.il'

    aur ho tere laboñ tak guzar-e-jām-e-sharāb

    aaftab aae chamak kar jo sar-e-jam-e-sharab

    rind samjhen ki hai sadiq sahar-e-jam-e-sharab

    sab ke hathon pe tha shab-bhar safar-e-jam-e-sharab

    har KHat-e-dast bana rah-guzar-e-jam-e-sharab

    duKHtar-e-raz pe giren mast patangon ki tarah

    sham-e-mahfil ho ye laKHt-e-jigar-e-jam-e-sharab

    tham le dast-e-subu aae jo chalne mein lachak

    KHat-e-baghdad ho mu-e-kamar-e-jam-e-sharab

    tur-e-sina ka guman ho KHum-e-mai par sab ko

    is tarah hosh uDao asar-e-jam-e-sharab

    saghar-e-mai mein nahin partaw-e-KHal-e-saqi

    hai kaf-e-duKHtar-e-raz mein sipar-e-jam-e-sharab

    KHak mai-KHane ki ban jati qayamat pis kar

    har qadam par jo lachakti kamar-e-jam-e-sharab

    aaj mai-noshon ka majma hai kahan ai saqi

    kaun si bazm mein hai shor-o-shar-e-jam-e-sharab

    jitne mai-KHwar hain saqi se gale milte hain

    sahar-e-id bani hai KHabar-e-jam-e-sharab

    shisha-e-mai se uDa kag kabutar ki tarah

    nama pahunchane chala nama-bar-e-jam-e-sharab

    mauj-e-sahba pe gira sapna-e-mina uD kar

    hai mere samne tegh-o-sipar-e-jam-e-sharab

    mai pilata hai agar Dhanp le sina saqi

    tere joban ko lagegi nazar-e-jam-e-sharab

    aaftab aa ke sikhata hai chalan shab-bhar ka

    raat ko hota hai aksar guzar-e-jam-e-sharab

    dast-e-saqi mein rahe dast-e-qadah-kash mein rahe

    gardan-e-shisha-e-sahba kamar-e-jam-e-sharab

    mast karte hain do-alam ko yahi do KHud-mast

    lazzat-e-naghma-e-mutrib asar-e-jam-e-sharab

    kya ghazab hai ki tera honTh na chuse 'mail'

    aur ho tere labon tak guzar-e-jam-e-sharab

    Source:

    Deewan-e-Dr.Maiel(Tohfa-e-Dakan) (Pg. 75)

    • Author: Ahmad Husain Mail
      • Edition: 1897
      • Publisher: Matba Mufeed-e-Aam, Agra
      • Year of Publication: 1897

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now