Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

shayad jagah nasib ho us gul ke haar mein

Seemab Akbarabadi

shayad jagah nasib ho us gul ke haar mein

Seemab Akbarabadi

MORE BYSeemab Akbarabadi

    Interesting Fact

    The eleventh sher is often attributed to the last Mughat Emperor Bahadur Shah Zafar however it was originally written by Seemab. The same sher was read out by him during a mushaira (poetic symposium) in Aligarh. One of his greatly appreciated books 'Kaleem-e-Ajam' published in 1947 does contain the same sher.

    shāyad jagah nasīb ho us gul ke haar meñ

    maiñ phuul ban ke ā.ūñgā ab bahār meñ

    kafnā.e bāġhbāñ mujhe phūloñ ke haar meñ

    kuchh to burā ho dil mirā ab bahār meñ

    guñdhvā ke dil ko laa.e haiñ phūloñ ke haar meñ

    ye haar un ko nazr kareñge bahār meñ

    nichlā rahā na soz-e-darūñ intizār meñ

    is aag ne surañg lagā mazār meñ

    ḳhalvat ḳhayāl-e-yār se hai intizār meñ

    aa.eñ farishte le ke ijāzat mazār meñ

    ham ko to jāgnā hai tire intizār meñ

    aa.ī ho jis ko niiñd vo so.e mazār meñ

    maiñ dil qadr kyuuñ na karūñ hijr-e-yār meñ

    un shoḳhiyāñ haiñ isī be-qarār meñ

    'sīmāb' be-taḌap taḌap hijr-e-yār meñ

    kyā bijliyāñ bharī haiñ dil-e-be-qarār meñ

    thī tāb-e-husn shoḳhī-e-tasvīr-e-yār meñ

    bijlī chamak ga.ī nazar-e-be-qarār meñ

    bādal ye garaj nahīñ abr-e-bahār meñ

    barrā rahā hai koī sharābī ḳhumār meñ

    umr-e-darāz maañg ke laa.ī thī chaar din

    do aarzū meñ kaT ga.e do intizār meñ

    tanhā mire satāne ko rah jaa.e kyuuñ zamīñ

    ai āsmān bhī utar aa mazār meñ

    ḳhud husn nā-ḳhudā-e-mohabbat ḳhudā-e-dil

    kyā kyā liye haiñ maiñ ne tire naam pyaar meñ

    mujh ko miTā ga.ī ravish-e-sharmgīñ tirī

    meñ jazb ho gayā nigah-e-sharmsār meñ

    allāh-re shām-e-ġham mirī be-iḳhtiyāriyāñ

    ik dil hai paas vo bhī nahīñ iḳhtiyār meñ

    ai ashk-e-garm maañd na paḌ jaa.e raushnī

    phir tel ho chukā hai dil-e-dāġh-dār meñ

    ye mo.ajiza hai vahshat-e-uryāñ-pasand

    maiñ kū-e-yār meñ huuñ kafan hai mazār meñ

    ai dard dil ko chheḌ ke phir baar baar chheḌ

    hai chheḌ mazā ḳhalish-e-bār-bār meñ

    ifrāt-e-ma.asiyat se fazīlat milī mujhe

    maiñ huuñ gunāhgāroñ pahlī qatār meñ

    Dartā huuñ ye taḌap ke lahad ko ulaT na de

    hāthoñ se dil dabā.e hue huuñ mazār meñ

    tum ne to haath jaur-o-sitam se uThā liyā

    ab kyā mazā rahā sitam-e-rozgār meñ

    kyā jaane rahmatoñ ne liyā kis tarah hisāb

    do chaar bhī gunāh na nikle shumār meñ

    o parda-dār ab to nikal aa ki hashr hai

    duniyā khaḌī huī hai tire intizār meñ

    roī hai saarī raat añdhere meñ be-kasī

    aañsū bhare hue haiñ charāġh-e-mazār meñ

    'sīmāb' phuul ugeñ lahad-e-andalīb se

    itnī to zindagī ho havā-e-bahār meñ

    shayad jagah nasib ho us gul ke haar mein

    main phul ban ke aaunga ab ki bahaar mein

    kafnae baghban mujhe phulon ke haar mein

    kuchh to bura ho dil mera ab ki bahaar mein

    gundhwa ke dil ko lae hain phulon ke haar mein

    ye haar un ko nazr karenge bahaar mein

    nichla raha na soz-e-darun intizar mein

    is aag ne surang laga di mazar mein

    KHalwat KHayal-e-yar se hai intizar mein

    aaen farishte le ke ijazat mazar mein

    hum ko to jagna hai tere intizar mein

    aai ho jis ko nind wo soe mazar mein

    main dil ki qadr kyun na karun hijr-e-yar mein

    un ki si shoKHiyan hain isi be-qarar mein

    'simab' be-taDap si taDap hijr-e-yar mein

    kya bijliyan bhari hain dil-e-be-qarar mein

    thi tab-e-husn shoKHi-e-taswir-e-yar mein

    bijli chamak gai nazar-e-be-qarar mein

    baadal ki ye garaj nahin abr-e-bahaar mein

    barra raha hai koi sharabi KHumar mein

    umr-e-daraaz mang ke lai thi chaar din

    do aarzu mein kaT gae do intizar mein

    tanha mere satane ko rah jae kyun zamin

    ai aasman tu bhi utar aa mazar mein

    KHud husn na-KHuda-e-mohabbat KHuda-e-dil

    kya kya liye hain main ne tere nam pyar mein

    mujh ko miTa gai rawish-e-sharmgin teri

    mein jazb ho gaya nigah-e-sharmsar mein

    allah-re sham-e-gham meri be-iKHtiyariyan

    ek dil hai pas wo bhi nahin iKHtiyar mein

    ai ashk-e-garm mand na paD jae raushni

    phir tel ho chuka hai dil-e-dagh-dar mein

    ye moajiza hai wahshat-e-uryan-pasand ka

    main ku-e-yar mein hun kafan hai mazar mein

    ai dard dil ko chheD ke phir bar bar chheD

    hai chheD ka maza KHalish-e-bar-bar mein

    ifraat-e-masiyat se fazilat mili mujhe

    main hun gunahgaron ki pahli qatar mein

    Darta hun ye taDap ke lahad ko ulaT na de

    hathon se dil dabae hue hun mazar mein

    tum ne to hath jaur-o-sitam se uTha liya

    ab kya maza raha sitam-e-rozgar mein

    kya jaane rahmaton ne liya kis tarah hisab

    do chaar bhi gunah na nikle shumar mein

    o parda-dar ab to nikal aa ki hashr hai

    duniya khaDi hui hai tere intizar mein

    roi hai sari raat andhere mein be-kasi

    aansu bhare hue hain charagh-e-mazar mein

    'simab' phul ugen lahad-e-andalib se

    itni to zindagi ho hawa-e-bahaar mein

    Source :
    ગુજરાતી ભાષા-સાહિત્યનો મંચ : રેખ્તા ગુજરાતી

    ગુજરાતી ભાષા-સાહિત્યનો મંચ : રેખ્તા ગુજરાતી

    મધ્યકાલથી લઈ સાંપ્રત સમય સુધીની ચૂંટેલી કવિતાનો ખજાનો હવે છે માત્ર એક ક્લિક પર. સાથે સાથે સાહિત્યિક વીડિયો અને શબ્દકોશની સગવડ પણ છે. સંતસાહિત્ય, ડાયસ્પોરા સાહિત્ય, પ્રતિબદ્ધ સાહિત્ય અને ગુજરાતના અનેક ઐતિહાસિક પુસ્તકાલયોના દુર્લભ પુસ્તકો પણ તમે રેખ્તા ગુજરાતી પર વાંચી શકશો

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now