vo dilbar haiñ to goyā dilbarī karnī paḌegī
unhīñ ke naam dil kī Diary karnī paḌegī
vo un ko jānte haiñ aur un ke hāl-e-dil ko
so un ke dostoñ se dostī karnī paḌegī
hamāre darmiyāñ ye dukh hī qadr-e-mushtarak haiñ
so ham ko ijtimā.ī ḳhud-kushī karnī paḌegī
badan ko ruuh se mahrūm kar Daalā gayā hai
basar is taur hī ab zindagī karnī paḌegī
bulāyā jaa.e kaise us shanāsā-e-suḳhan ko
bapā ik bazm-e-sher-o-shā.erī karnī paḌegī
bahut muddat se hañsnā bhuul kar baiThī huī hai
tumheñ 'raḳhshanda' shāyad gudgudī karnī paḌegī
wo dilbar hain to goya dilbari karni paDegi
unhin ke nam dil ki Diary karni paDegi
wo un ko jaante hain aur un ke haal-e-dil ko
so un ke doston se dosti karni paDegi
hamare darmiyan ye dukh hi qadr-e-mushtarak hain
so hum ko ijtimai KHud-kushi karni paDegi
badan ko ruh se mahrum kar Dala gaya hai
basar is taur hi ab zindagi karni paDegi
bulaya jae kaise us shanasa-e-suKHan ko
bapa ek bazm-e-sher-o-shaeri karni paDegi
bahut muddat se hansna bhul kar baiThi hui hai
tumhein 'raKHshanda' shayad gudgudi karni paDegi
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.