aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

phiri hui meri aankhen hain tegh-zan ki taraf

Nazm Tabatabai

phiri hui meri aankhen hain tegh-zan ki taraf

Nazm Tabatabai

MORE BYNazm Tabatabai

    phirī huī mirī āñkheñ haiñ teġh-zan taraf

    chalā hai chhoḌ ke bismil mujhe hiran taraf

    banāyā toḌ ke ā.īna ā.īna-ḳhāna

    na dekhī raah jo ḳhalvat se anjuman taraf

    rah-e-vafā ko na chhoḌā vo andalīb huuñ maiñ

    chhuTā qafas se to parvāz chaman taraf

    gurez chāhiye tūl-e-amal se sālik ko

    sunā hai raah ye jaatī hai rāhzan taraf

    sarā-e-dahr meñ so.oge ġhāfilo kab tak

    uTho to kyā tumheñ jaanā nahīñ vatan taraf

    jo ahl-e-dil haiñ alag haiñ vo ahl-e-zāhir se

    na maiñ huuñ shaiḳh jānib na barhaman taraf

    jahān-e-hādsa-āgīn meñ bashar varūd

    guzar habāb dariyā-e-maujzan taraf

    isī umiid pe ham din ḳhizāñ ke kāTte haiñ

    kabhī to bād-e-bahār aa.egī chaman taraf

    bichhaḌ ke tujh se mujhe hai umiid milne

    sunā hai ruuh ko aanā hai phir badan taraf

    gavāh kaun mire qatl ho mahshar meñ

    abhī se saarā zamāna hai teġh-zan taraf

    ḳhabar uTh ke qayāmat ne us ke aane

    ḳhudā ḳhair kare ruḳh hai anjuman taraf

    vo apne ruḳh sabāhat ko aap dekhte haiñ

    jhuke hue gul-e-nargis haiñ yāsman taraf

    tamām bazm hai kyā mahv us bātoñ meñ

    nazar dahan taraf kaan hai suḳhan taraf

    asiir ho gayā dil gesuoñ meñ ḳhuub huā

    chalā thā Duub ke marne chah-e-zaqan taraf

    ye mai-kashoñ adā abr-e-tar bhī siikh ga.e

    kinār-e-jū se jo uTThe chale chaman taraf

    zahe-nasīb jo ho karbalā maut ai 'nazm'

    ki uḌ ke ḳhāk-e-shifā aa.e ḳhud kafan taraf

    phiri hui meri aankhen hain tegh-zan ki taraf

    chala hai chhoD ke bismil mujhe hiran ki taraf

    banaya toD ke aaina aaina-KHana

    na dekhi rah jo KHalwat se anjuman ki taraf

    rah-e-wafa ko na chhoDa wo andalib hun main

    chhuTa qafas se to parwaz ki chaman ki taraf

    gurez chahiye tul-e-amal se salik ko

    suna hai rah ye jati hai rahzan ki taraf

    sara-e-dahr mein sooge ghafilo kab tak

    uTho to kya tumhein jaana nahin watan ki taraf

    jo ahl-e-dil hain alag hain wo ahl-e-zahir se

    na main hun shaiKH ki jaanib na barhaman ki taraf

    jahan-e-hadsa-agin mein bashar ka warud

    guzar habab ka dariya-e-maujzan ki taraf

    isi umid pe hum din KHizan ke kaTte hain

    kabhi to baad-e-bahaar aaegi chaman ki taraf

    bichhaD ke tujh se mujhe hai umid milne ki

    suna hai ruh ko aana hai phir badan ki taraf

    gawah kaun mere qatl ka ho mahshar mein

    abhi se sara zamana hai tegh-zan ki taraf

    KHabar di uTh ke qayamat ne us ke aane ki

    KHuda hi KHair kare ruKH hai anjuman ki taraf

    wo apne ruKH ki sabahat ko aap dekhte hain

    jhuke hue gul-e-nargis hain yasman ki taraf

    tamam bazm hai kya mahw us ki baaton mein

    nazar dahan ki taraf kan hai suKHan ki taraf

    asir ho gaya dil gesuon mein KHub hua

    chala tha Dub ke marne chah-e-zaqan ki taraf

    ye mai-kashon ki ada abr-e-tar bhi sikh gae

    kinar-e-ju se jo uTThe chale chaman ki taraf

    zahe-nasib jo ho karbala ki maut ai 'nazm'

    ki uD ke KHak-e-shifa aae KHud kafan ki taraf

    Source:

    Deewan-e-Tabatabai (Rekhta Website) (Pg. 116)

    • Author: Nazm Tabatabai
      • Edition: 1933
      • Publisher: Maktaba Ibrahimiya, Hyderabad
      • Year of Publication: 1933
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now