aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

khaDe hain musa uThao parda dikhao tum aab-o-tab-e-ariz

Ahmad Husain Mail

khaDe hain musa uThao parda dikhao tum aab-o-tab-e-ariz

Ahmad Husain Mail

MORE BYAhmad Husain Mail

    khaḌe haiñ muusā uThāo pardā dikhāo tum āb-o-tāb-e-āriz

    hijāb kyuuñ hai ki ḳhud tajallī banī huī hai hijāb-e-āriz

    na ruk sakegī ziyā-e-āriz jo sadd-e-rah ho naqāb-e-āriz

    vo hogī be-parda rakh ke pardā ġhazab chanchal hai tāb-e-āriz

    chhupā na muñh donoñ haath se yuuñ taḌaptī hai barq-e-tāb-e-āriz

    lagā na de aag uñgliyoñ meñ ye garmī-e-iztirāb-e-āriz

    jo un ko lipTā ke gaal chūmā hayā se aane lagā pasīna

    huī hai bosoñ garm bhaTTī khiñche na kyuuñ kar sharāb-e-āriz

    parī jo dekhe kahe taḌap kar jo huur dekhe kahe phaḌak kar

    tumhārā gesū javāb-e-gesū tumhārā aariz javāb-e-āriz

    huzūr ghuñghaT uThā ke aa.eñ baḌī chamak kis meñ hai dikhā.eñ

    idhar rahe āftāb-e-mahshar udhar rahe āftāb-e-āriz

    chhupānā kyā ek thā manzūr aaj tak haiñ jo chaar mash.hūr

    zabūr tauret mus.haf injīl pāñchvīñ hai kitāb-e-āriz

    na kyuuñ ho da.avā barābarī vahāñ milā til yahāñ suvaidā

    ye nuqta-e-intiḳhāb-e-āriz hai vo nuqta-e-intiḳhāb-e-āriz

    paḌā huuñ ġhash meñ mujhe suñghā do pasīna chehre zulf

    nahīñ hai kam laḳhlaḳhe se mujh ko ye mushk-e-gesū gulāb-e-āriz

    jo sho.ala-rū muñh chhupā ke niklā dhuāñ sar-e-rāh kuchh kuchh uTThā

    lagī vo ātish bane hai jal kar naqāb-e-āriz kabāb-e-āriz

    na jhepo sub.h-e-visāl dekho tum aañkh se aañkh to milāo

    liye haiñ gin gin ke maiñ ne bose zabān par hai hisāb-e-āriz

    karo na ġhusse se laal chehrā bhavoñ meñ Daalo na bal ḳhudārā

    nahīñ majāl-e-jalāl-e-abrū nahīñ hai tāb-e-itāb-e-āriz

    jo gaal par gaal ham rakheñge shab-e-visāl un ke haath uTheñge

    tamāñche māreñge pyaar se vo bajeñgge chañg-o-rubāb-e-āriz

    kamar ko gardan ko dast-o-lab ko visāl meñ lutf de rahā hai

    shabāb-e-zānū shabāb-e-bāzū shabāb-e-sīna shabāb-e-āriz

    janāb-e-'mā.il' ye kūdak-e-dil butoñ ulfat meñ hogā kāmil

    paḌhāo qur.āñ ke badle is ko bayāz-e-gardan kitāb-e-āriz

    khaDe hain musa uThao parda dikhao tum aab-o-tab-e-ariz

    hijab kyun hai ki KHud tajalli bani hui hai hijab-e-ariz

    na ruk sakegi ziya-e-ariz jo sadd-e-rah ho naqab-e-ariz

    wo hogi be-parda rakh ke parda ghazab ki chanchal hai tab-e-ariz

    chhupa na munh donon hath se yun taDapti hai barq-e-tab-e-ariz

    laga na de aag ungliyon mein ye garmi-e-iztirab-e-ariz

    jo un ko lipTa ke gal chuma haya se aane laga pasina

    hui hai boson ki garm bhaTTi khinche na kyun kar sharab-e-ariz

    pari jo dekhe kahe taDap kar jo hur dekhe kahe phaDak kar

    tumhaara gesu jawab-e-gesu tumhaara aariz jawab-e-ariz

    huzur ghunghaT uTha ke aaen baDi chamak kis mein hai dikhaen

    idhar rahe aaftab-e-mahshar udhar rahe aaftab-e-ariz

    chhupana kya ek ka tha manzur aaj tak hain jo chaar mashhur

    zabur tauret mushaf injil panchwin hai kitab-e-ariz

    na kyun ho dawa barabari ka wahan mila til yahan suwaida

    ye nuqta-e-intiKHab-e-ariz hai wo nuqta-e-intiKHab-e-ariz

    paDa hun ghash mein mujhe sungha do pasina chehre ka zulf ki bu

    nahin hai kam laKHlaKHe se mujh ko ye mushk-e-gesu gulab-e-ariz

    jo shoala-ru munh chhupa ke nikla dhuan sar-e-rah kuchh kuchh uTTha

    lagi wo aatish bane hai jal kar naqab-e-ariz kabab-e-ariz

    na jhepo subh-e-visal dekho tum aankh se aankh to milao

    liye hain gin gin ke main ne bose zaban par hai hisab-e-ariz

    karo na ghusse se lal chehra bhawon mein Dalo na bal KHudara

    nahin majal-e-jalal-e-abru nahin hai tab-e-itab-e-ariz

    jo gal par gal hum rakhenge shab-e-visal un ke hath uThenge

    tamanche marenge pyar se wo bajengge chang-o-rubab-e-ariz

    kamar ko gardan ko dast-o-lab ko visal mein lutf de raha hai

    shabab-e-zanu shabab-e-bazu shabab-e-sina shabab-e-ariz

    janab-e-'mail' ye kudak-e-dil buton ki ulfat mein hoga kaamil

    paDhao quran ke badle is ko bayaz-e-gardan kitab-e-ariz

    Source:

    Deewan-e-Dr.Maiel(Tohfa-e-Dakan) (Pg. 107)

    • Author: Ahmad Husain Mail
      • Edition: 1897
      • Publisher: Matba Mufeed-e-Aam, Agra
      • Year of Publication: 1897

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now