aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jaur-o-be-mehri-e-ighmaz pe kya rota hai

Firaq Gorakhpuri

jaur-o-be-mehri-e-ighmaz pe kya rota hai

Firaq Gorakhpuri

MORE BYFiraq Gorakhpuri

    jaur-o-be-mehrī-e-iġhmāz pe kyā rotā hai

    mehrbāñ bhī koī ho jā.egā jaldī kyā hai

    kho diyā tum ko to ham pūchhte phirte haiñ yahī

    jis taqdīr bigaḌ jaa.e vo kartā kyā hai

    dil ik kaam jo hotā nahīñ ik muddat se

    tum zarā haath lagā do to huā rakkhā hai

    nigah-e-shoḳh meñ aur dil meñ haiñ choTeñ kyā kyā

    aaj tak ham na samajh paa.e ki jhagḌā kyā hai

    ishq se tauba bhī hai husn se shikve bhī hazār

    kahiye to hazrat-e-dil aap manshā kyā hai

    zīnat-e-dosh tirā nāma-e-a.amāl na ho

    terī dastār se vaa.iz ye laTaktā kyā hai

    haañ abhī vaqt ā.īna dikhā.e kyā kyā

    dekhte jaao zamāna abhī dekhā kyā hai

    na yagāne haiñ na begāne tirī mahfil meñ

    na koī ġhair yahāñ hai na koī apnā hai

    nigah-e-mast ko jumbish na hui go sar-e-bazm

    kuchh to is jām-e-labā-lab se abhī chhalkā hai

    rāt-din phirtī hai palkoñ ke jo saa.e saa.e

    dil mirā us nigah-e-nāz dīvānā hai

    ham judā.ī se bhī kuchh kaam to le leñge

    be-niyāzāna ta.alluq chhuTā achchhā hai

    un se baḌh-chaḌh ke to ai dost haiñ yādeñ in

    nāz-o-andāz-o-adā meñ tirī rakkhā kyā hai

    aisī bātoñ se badaltī hai kahīñ fitrat-e-husn

    jaan bhī de de agar koī to kyā hotā hai

    tirī āñkhoñ ko bhī inkār tirī zulf ko bhī

    kis ne ye ishq ko dīvāna banā rakkhā hai

    dil tirā jaan tirī aah tirī ashk tire

    jo hai ai dost vo terā hai hamārā kyā hai

    dar-e-daulat pe duā.eñ sunī haiñ maiñ ne

    dekhiye aaj faqīroñ kidhar pherā hai

    tujh ko ho jā.eñge shaitān ke darshan vaa.iz

    Daal kar muñh ko garebāñ meñ kabhī dekhā hai

    ham kahe dete haiñ chāloñ meñ na aao un

    sarvat-o-jāh ke ishvoñ se bacho dhokā hai

    yahī gar aañkh meñ rah jaa.e to hai chingārī

    qatra-e-ashk jo bah jaa.e to ik dariyā hai

    zulf-e-shab-gūñ ke sivā nargis-e-jādū ke sivā

    dil ko kuchh aur balāoñ ne bhī aa gherā hai

    lab-e-ejāz saugand ye jhankār thī kyā

    terī ḳhāmoshī ke mānind abhī kuchh TuuTā hai

    daar par gaah nazar gaah sū-e-shahr-e-nigār

    kuchh suneñ ham bhī to ai ishq irāda kyā hai

    aa ki ġhurbat-kada-e-dahr meñ bahlā.eñ

    ai dil us jalva-gah-e-nāz meñ kyā rakkhā hai

    zaḳhm zaḳhm huuñ maiñ sub.h mānind 'firāq'

    raat bhar hijr lazzat se mazā luuTā hai

    jaur-o-be-mehri-e-ighmaz pe kya rota hai

    mehrban bhi koi ho jaega jaldi kya hai

    kho diya tum ko to hum puchhte phirte hain yahi

    jis ki taqdir bigaD jae wo karta kya hai

    dil ka ek kaam jo hota nahin ek muddat se

    tum zara hath laga do to hua rakkha hai

    nigah-e-shoKH mein aur dil mein hain choTen kya kya

    aaj tak hum na samajh pae ki jhagDa kya hai

    ishq se tauba bhi hai husn se shikwe bhi hazar

    kahiye to hazrat-e-dil aap ka mansha kya hai

    zinat-e-dosh tera nama-e-amal na ho

    teri dastar se waiz ye laTakta kya hai

    han abhi waqt ka aaina dikhae kya kya

    dekhte jao zamana abhi dekha kya hai

    na yagane hain na begane teri mahfil mein

    na koi ghair yahan hai na koi apna hai

    nigah-e-mast ko jumbish na hui go sar-e-bazm

    kuchh to is jam-e-laba-lab se abhi chhalka hai

    raat-din phirti hai palkon ke jo sae sae

    dil mera us nigah-e-naz ka diwana hai

    hum judai se bhi kuchh kaam to le hi lenge

    be-niyazana talluq hi chhuTa achchha hai

    un se baDh-chaDh ke to ai dost hain yaaden in ki

    naz-o-andaz-o-ada mein teri rakkha kya hai

    aisi baaton se badalti hai kahin fitrat-e-husn

    jaan bhi de de agar koi to kya hota hai

    teri aankhon ko bhi inkar teri zulf ko bhi

    kis ne ye ishq ko diwana bana rakkha hai

    dil tera jaan teri aah teri ashk tere

    jo hai ai dost wo tera hai hamara kya hai

    dar-e-daulat pe duaen si suni hain main ne

    dekhiye aaj faqiron ka kidhar phera hai

    tujh ko ho jaenge shaitan ke darshan waiz

    Dal kar munh ko gareban mein kabhi dekha hai

    hum kahe dete hain chaalon mein na aao un ki

    sarwat-o-jah ke ishwon se bacho dhoka hai

    yahi gar aankh mein rah jae to hai chingari

    qatra-e-ashk jo bah jae to ek dariya hai

    zulf-e-shab-gun ke siwa nargis-e-jadu ke siwa

    dil ko kuchh aur balaon ne bhi aa ghera hai

    lab-e-ejaz ki saugand ye jhankar thi kya

    teri KHamoshi ke manind abhi kuchh TuTa hai

    dar par gah nazar gah su-e-shahr-e-nigar

    kuchh sunen hum bhi to ai ishq irada kya hai

    aa ki ghurbat-kada-e-dahr mein ji bahlaen

    ai dil us jalwa-gah-e-naz mein kya rakkha hai

    zaKHm hi zaKHm hun main subh ki manind 'firaq'

    raat bhar hijr ki lazzat se maza luTa hai

    RECITATIONS

    Nomaan Shauque

    Nomaan Shauque,

    Nomaan Shauque

    jaur-o-be-mehri-e-ighmaz pe kya rota hai Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now