isi liye to yahan ab bhi ajnabi hun main

isī liye to yahāñ ab bhī ajnabī huuñ maiñ

tamām log farishte haiñ aadmī huuñ maiñ

za.iif būḌhī jo pul par udaas baiThī hai

usī kī aañkh meñ likkhā hai zindagī huuñ maiñ

hai pakkī umroñ kī ik be-zabān sī laḌkī

usī kā rishta huuñ aur vo bhī āḳhirī huuñ maiñ

tamām raat charāġhoñ meñ muskurātī thī

vo ab nahīñ hai magar us kī raushnī huuñ maiñ

kahīñ maiñ aur thā maġhrib kī jo azaañ na sunī

in āñsuoñ meñ sahar kī namāz bhī huuñ maiñ

sitāre raah ke haiñ 'mīr'-o-'ġhālib'-o-'iqbāl'

qalam huuñ bachche kā taḳhtī na.ī na.ī huuñ maiñ

agar vo chāheñ to zinda jalā bhī sakte haiñ

du'ā ke haath hukūmat kī bebasī huuñ maiñ

isi liye to yahan ab bhi ajnabi hun main

tamam log farishte hain aadmi hun main

zaif buDhi jo pul par udas baiThi hai

usi ki aankh mein likkha hai zindagi hun main

hai pakki umron ki ek be-zaban si laDki

usi ka rishta hun aur wo bhi aaKHiri hun main

tamam raat charaghon mein muskuraati thi

wo ab nahin hai magar us ki raushni hun main

kahin main aur tha maghrib ki jo azan na suni

in aansuon mein sahar ki namaz bhi hun main

sitare rah ke hain 'mir'-o-'ghaalib'-o-'iqbaal'

qalam hun bachche ka taKHti nai nai hun main

agar wo chahen to zinda jala bhi sakte hain

du'a ke hath hukumat ki bebasi hun main