aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

guzar gai jo chaman par wo koi kya jaane

Iqbal Safi Puri

guzar gai jo chaman par wo koi kya jaane

Iqbal Safi Puri

MORE BYIqbal Safi Puri

    guzar ga.ī jo chaman par vo koī kyā jaane

    jhaḌe hue haiñ bahār-o-ḳhizāñ ke afsāne

    jahāñ pe chāk-e-garebāñ bhī chāk-e-dil ban jaa.e

    guzar rahe haiñ ab un manziloñ se dīvāne

    mire laboñ tabassum to sab ne dekh liyā

    jo dil pe biit rahī hai vo koī kyā jaane

    tire huzūr jinheñ kah sakī na goyā.ī

    mire sukūt ne dohrā diye vo afsāne

    nigāh-e-ishq meñ dair-o-haram qaid nahīñ

    kahīñ bhī sham.a jale uḌ chaleñge parvāne

    tamām vus.at-e-kaunain ko Dubo deñge

    chhalak ga.e jo kahīñ us nazar ke paimāne

    na ishtiyāq-e-nazāra na e'tibār-e-jamāl

    Thahar ga.ī hai kahāñ zindagī ḳhudā jaane

    na sham-e-bazm pe kuchh aañch aa.egī 'iqbāl'

    ḳhud apnī aag meñ jalte raheñge parvāne

    guzar gai jo chaman par wo koi kya jaane

    jhaDe hue hain bahaar-o-KHizan ke afsane

    jahan pe chaak-e-gareban bhi chaak-e-dil ban jae

    guzar rahe hain ab un manzilon se diwane

    mere labon ka tabassum to sab ne dekh liya

    jo dil pe bit rahi hai wo koi kya jaane

    tere huzur jinhen kah saki na goyai

    mere sukut ne dohra diye wo afsane

    nigah-e-ishq mein dair-o-haram ki qaid nahin

    kahin bhi shama jale uD chalenge parwane

    tamam wusat-e-kaunain ko Dubo denge

    chhalak gae jo kahin us nazar ke paimane

    na ishtiyaq-e-nazara na e'tibar-e-jamal

    Thahar gai hai kahan zindagi KHuda jaane

    na sham-e-bazm pe kuchh aanch aaegi 'iqbaal'

    KHud apni aag mein jalte rahenge parwane

    Source:

    Pakistani Adab (Pg. 341)

    • Author: Dr. Rashid Amjad
      • Edition: 2009
      • Publisher: Pakistan Academy of Letters, Islambad, Pakistan
      • Year of Publication: 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now