aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

chahiye ishq mein is tarah fana ho jaana

Ahsan Marahravi

chahiye ishq mein is tarah fana ho jaana

Ahsan Marahravi

MORE BYAhsan Marahravi

    chāhiye ishq meñ is tarah fanā ho jaanā

    jis tarah aañkh uThe mahv-e-adā ho jaanā

    kisī māshūq āshiq se ḳhafā ho jaanā

    ruuh jism se goyā hai judā ho jaanā

    maut aap ke bīmār qismat meñ na thī

    varna kab zahr mumkin thā davā ho jaanā

    apne pahlū meñ tujhe dekh ke hairat hai mujhe

    ḳharq-e-ādat hai tirā vaada vafā ho jaanā

    vaq.at-e-ishq kahāñ jab ye talavvun ho vahāñ

    kabhī raazī kabhī āshiq se ḳhafā ho jaanā

    jab mulāqāt huī tum se to takrār huī

    aise milne se to behtar hai judā ho jaanā

    chheḌ kuchh ho ki na ho baat huī ho ki na ho

    baiThe baiThe unheñ aatā hai ḳhafā ho jaanā

    mujh se phir jaa.e jo duniyā to balā se phir jaa.e

    na ai aah zamāne havā ho jaanā

    'ahsan' achchhā hai rahe māl-e-arab pesh-e-arab

    de ke dil tum na giraftār-e-balā ho jaanā

    chahiye ishq mein is tarah fana ho jaana

    jis tarah aankh uThe mahw-e-ada ho jaana

    kisi mashuq ka aashiq se KHafa ho jaana

    ruh ka jism se goya hai juda ho jaana

    maut hi aap ke bimar ki qismat mein na thi

    warna kab zahr ka mumkin tha dawa ho jaana

    apne pahlu mein tujhe dekh ke hairat hai mujhe

    KHarq-e-adat hai tera wada wafa ho jaana

    waqat-e-ishq kahan jab ye talawwun ho wahan

    kabhi raazi kabhi aashiq se KHafa ho jaana

    jab mulaqat hui tum se to takrar hui

    aise milne se to behtar hai juda ho jaana

    chheD kuchh ho ki na ho baat hui ho ki na ho

    baiThe baiThe unhen aata hai KHafa ho jaana

    mujh se phir jae jo duniya to bala se phir jae

    tu na ai aah zamane ki hawa ho jaana

    'ahsan' achchha hai rahe mal-e-arab pesh-e-arab

    de ke dil tum na giraftar-e-bala ho jaana

    RECITATIONS

    Nomaan Shauque

    Nomaan Shauque,

    Nomaan Shauque

    chahiye ishq mein is tarah fana ho jaana Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now