tujhe kuchh yaad hai pahla wo aalam ishq-e-pinhan ka

tujhe kuchh yaad hai pahlā vo aalam ishq-e-pinhāñ kā

shigāf-e-parda se kyā thā ishāra chashm-e-fattāñ kā

sunā hai kab ye chhuTtī hai pakaḌ gosha na dāmāñ kā

samajh kājal na phailā saaya hai terī hī mizhgāñ kā

yahāñ dam khīñchnā do dopahar mushkil hai ho jaatā

dhuāñ ghaTtā hai jab siine meñ apnī āh-e-sozāñ kā

na kī ġhamza ne jallādī na un āñkhoñ ne saffākī

jise kahte haiñ dil apnā vahī qātil huā jaañ kā

shigāf-e-sīna se az-bas-ki dūd-e-dil nikaltā hai

siyah ab jā-ba-jā se rañg hai apne garebāñ kā

ye dil hai qatra-e-ḳhūñ se bhī kam allāh rī jur.at

huā hai tispe rū-kash us ḳhadañg andāz mizhgāñ kā

tujhe kuchh yaad hai pahla wo aalam ishq-e-pinhan ka

shigaf-e-parda se kya tha ishaara chashm-e-fattan ka

suna hai kab ye chhuTti hai pakaD gosha na daman ka

samajh kajal na phaila saya hai teri hi mizhgan ka

yahan dam khinchna do dopahar mushkil hai ho jata

dhuan ghaTta hai jab sine mein apni aah-e-sozan ka

na ki ghamza ne jalladi na un aankhon ne saffaki

jise kahte hain dil apna wahi qatil hua jaan ka

shigaf-e-sina se az-bas-ki dud-e-dil nikalta hai

siyah ab ja-ba-ja se rang hai apne gareban ka

ye dil hai qatra-e-KHun se bhi kam allah ri jurat

hua hai tispe ru-kash us KHadang andaz mizhgan ka