shararti laDke aur qawwali

apne teacher ko nachā.eñ to maza aa jaa.e

un kī ainak ko churā.eñ to maza aa jaa.e

un ke DanDe ko chhupā.eñ to maza aa jaa.e

aaj jī bhar ke satā.eñ to maza aa jaa.e

kaun sā din hai jo teacher ne nahīñ maarā hai

ham ne har kaam kiyā phir bhī to phaTkārā hai

un kā ġhussa hai ki dahkā huā añgārā hai

aag meñ aag lagā.eñ to maza aa jaa.e

muñh pe chāñTe bhī diye ham ne banāyā murġhā

ham ne schōl se har roz ye tamġha paayā

kitne jallād haiñ teacher are allāh allāh

ham bhī muñh un kā chaḌhā.eñ to maza aa jaa.e

vo paḌhāte haiñ to ausān ḳhatā hote haiñ

haq paḌhā.ī ke ye dushvār adā hote haiñ

ham agar rote haiñ phir aur ḳhafā hote haiñ

aaj un ko bhī rulā.eñ to maza aa jaa.e

un kī kursī pe chalo aao paTāḳhe bāñdheñ

jab vo aa.eñ to paTāḳhoñ kā taḌapnā dekheñ

ham bhī shāgird-e-sitam-gār haiñ itnā māneñ

pīchhe pīchhe hī bhagā.eñ to mazā aa jaa.e

un kī jo chiiz hai chupke se chhupā deñ aao

paan biiḌī kī jo Dibiyā hai uḌā deñ aao

ham sharārat ke na.e jaal bichhā deñ aao

vo kisī jaal meñ aa.eñ to mazā aa jaa.e

vo agar sāmne aa jaa.eñ to mil kar chīḳheñ

vo kaheñ chup raho ham aur bhī hañs kar chīḳheñ

aur vo āñḳheñ dikhā.eñ to akaḌ kar chīḳheñ

un ko dīvāna banā.eñ to maza aa jaa.e

apne teacher ko nachaen to maza aa jae

un ki ainak ko churaen to maza aa jae

un ke DanDe ko chhupaen to maza aa jae

aaj ji bhar ke sataen to maza aa jae

kaun sa din hai jo teacher ne nahin mara hai

hum ne har kaam kiya phir bhi to phaTkara hai

un ka ghussa hai ki dahka hua angara hai

aag mein aag lagaen to maza aa jae

munh pe chanTe bhi diye hum ne banaya murgha

hum ne school se har roz ye tamgha paya

kitne jallad hain teacher are allah allah

hum bhi munh un ka chaDhaen to maza aa jae

wo paDhate hain to ausan KHata hote hain

haq paDhai ke ye dushwar ada hote hain

hum agar rote hain phir aur KHafa hote hain

aaj un ko bhi rulaen to maza aa jae

un ki kursi pe chalo aao paTaKHe bandhen

jab wo aaen to paTaKHon ka taDapna dekhen

hum bhi shagird-e-sitam-gar hain itna manen

pichhe pichhe hi bhagaen to maza aa jae

un ki jo chiz hai chupke se chhupa den aao

pan biDi ki jo Dibiya hai uDa den aao

hum shararat ke nae jal bichha den aao

wo kisi jal mein aaen to maza aa jae

wo agar samne aa jaen to mil kar chiKHen

wo kahen chup raho hum aur bhi hans kar chiKHen

aur wo aanKHen dikhaen to akaD kar chiKHen

un ko diwana banaen to maza aa jae