عید کے دن
ریاض شوق میں آئی بہار عید کے دن
نظر فروز ہوا روئے یار عید کے دن
ادا ادا میں عنایت نظر نظر میں کرم
مری خزاں بھی ہے اب تک بہار عید کے دن
ہیں ان کے جلوؤں کی ارزانیاں پیام نشاط
نہیں ہے دل میں غم روزگار عید کے دن
دل فسردہ میں پھر خون سر خوشی دوڑا
وہ آ کے مجھ سے ہوئے ہمکنار عید کے دن
نگاہ شوق پہ پروانہ وار گرتی ہیں
تجلیاں بھی ہیں بے اختیار عید کے دن
نہ ان کی آنکھوں میں غصہ نہ کچھ جبیں پہ شکن
برس رہا ہے نگاہوں سے پیار عید کے دن
نگاہ مہر کی گرمی ہے روشنی دل کی
ہے بزم شوق مری کامگار عید کے دن
وہ فرط شوق میں ہنس ہنس کے مل رہے ہیں گلے
ہے شاد جوہرؔ سینہ فگار عید کے دن
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
