chashm-o-ada-o-ghamza shoKHi-o-naz panchon

chashm-o-adā-o-ġhamza shoḳhī-o-nāz pāñchoñ

dushman haiñ mere jī ke banda-navāz pāñchoñ

kyā rang-e-zard-o-girya kiyā zo'f-o-dard-o-afġhān

ifshā kareñ haiñ mil kar merā ye raaz pāñchoñ

bār-e-firāq se hai joñ sham-e-dil ko har shab

ehrāq-o-dāġh-o-girya soz-o-gudāz pāñchoñ

ārām-o-sabr-o-tāqat hosh-o-hayā kahāñ phir

le dil ke saath ye bhī ai ishva-sāz pāñchoñ

farhād-o-qais-o-vāmiq mahmūd-o-māh-rū bhī

rakh haar mujh pe soveñ ho pā-darāz pāñchoñ

haiñ tere dar pe aa kar har ek sar-ba-sajda

lailā-o-mahr-o-azrā shīrīñ ayaaz pāñchoñ

mat pūchh kār-e-'inshā' hijr-o-visāl meñ kuchh

sabr-o-junūn-o-vahshat ijz-o-niyāz pāñchoñ

chashm-o-ada-o-ghamza shoKHi-o-naz panchon

dushman hain mere ji ke banda-nawaz panchon

kya rang-e-zard-o-girya kiya zo'f-o-dard-o-afghan

ifsha karen hain mil kar mera ye raaz panchon

bar-e-firaq se hai jon sham-e-dil ko har shab

ehraq-o-dagh-o-girya soz-o-gudaz panchon

aaram-o-sabr-o-taqat hosh-o-haya kahan phir

le dil ke sath ye bhi ai ishwa-saz panchon

farhad-o-qais-o-wamiq mahmud-o-mah-ru bhi

rakh haar mujh pe sowen ho pa-daraaz panchon

hain tere dar pe aa kar har ek sar-ba-sajda

laila-o-mahr-o-azra shirin ayaz panchon

mat puchh kar-e-'insha' hijr-o-visal mein kuchh

sabr-o-junun-o-wahshat ijz-o-niyaz panchon