aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tez ehsas-e-KHudi darkar hai

Firaq Gorakhpuri

tez ehsas-e-KHudi darkar hai

Firaq Gorakhpuri

MORE BYFiraq Gorakhpuri

    tez ehsās-e-ḳhudī darkār hai

    zindagī ko zindagī darkār hai

    jo chaḌhā jaa.e ḳhumistān-e-jahāñ

    haañ vahī lab-tishnagī darkār hai

    devtāoñ ḳhudā se hogā kaam

    aadmī ko aadmī darkār hai

    sau gulistāñ jis udāsī par nisār

    mujh ko vo afsurdagī darkār hai

    shā.erī hai sar-basar tahzīb-e-qalb

    us ko ġham shā.istagī darkār hai

    sho.ala meñ laatā hai jo soz-o-gudāz

    vo ḳhulūs-e-bātnī darkār hai

    ḳhūbī-e-lafz-o-bayāñ se kuchh sivā

    shā.erī ko sāhirī darkār hai

    qādir-e-mutlaq ko bhī insān

    sunte haiñ be-chārgī darkār hai

    aur hoñge tālib-e-mad.h-e-jahāñ

    mujh ko bas terī ḳhushī darkār hai

    aql meñ yuuñ to nahīñ koī kamī

    ik zarā dīvāngī darkār hai

    hosh vāloñ ko bhī merī raa.e meñ

    ek guuna be-ḳhudī darkār hai

    ḳhatrā-e-bisyār-dānī qasam

    ilm meñ bhī kuchh kamī darkār hai

    dosto kaafī nahīñ chashm-e-ḳhirad

    ishq ko bhī raushnī darkār hai

    merī ġhazloñ meñ haqā.eq haiñ faqat

    aap ko to shā.erī darkār hai

    tere paas aayā huuñ kahne ek baat

    mujh ko terī dostī darkār hai

    maiñ jafāoñ na kartā yuuñ gila

    aaj terī nā-ḳhushī darkār hai

    us zulf ārāsta-pairāsta

    ik zarā barhamī darkār hai

    zinda-dil thā tāza-dam thā hijr meñ

    aaj mujh ko be-dilī darkār hai

    halqa halqa gesū-e-shab rañg-e-yār

    mujh ko terī abtarī darkār hai

    aql ne kal mere kānoñ meñ kahā

    mujh ko terī zindagī darkār hai

    tez-rau tahzīb-e-ālam ko 'firāq'

    ik zarā āhistagī darkār hai

    tez ehsas-e-KHudi darkar hai

    zindagi ko zindagi darkar hai

    jo chaDha jae KHumistan-e-jahan

    han wahi lab-tishnagi darkar hai

    dewtaon ka KHuda se hoga kaam

    aadmi ko aadmi darkar hai

    sau gulistan jis udasi par nisar

    mujh ko wo afsurdagi darkar hai

    shaeri hai sar-basar tahzib-e-qalb

    us ko gham shaistagi darkar hai

    shoala mein lata hai jo soz-o-gudaz

    wo KHulus-e-baatni darkar hai

    KHubi-e-lafz-o-bayan se kuchh siwa

    shaeri ko sahiri darkar hai

    qadir-e-mutlaq ko bhi insan ki

    sunte hain be-chaargi darkar hai

    aur honge talib-e-madh-e-jahan

    mujh ko bas teri KHushi darkar hai

    aql mein yun to nahin koi kami

    ek zara diwangi darkar hai

    hosh walon ko bhi meri rae mein

    ek guna be-KHudi darkar hai

    KHatra-e-bisyar-dani ki qasam

    ilm mein bhi kuchh kami darkar hai

    dosto kafi nahin chashm-e-KHirad

    ishq ko bhi raushni darkar hai

    meri ghazlon mein haqaeq hain faqat

    aap ko to shaeri darkar hai

    tere pas aaya hun kahne ek baat

    mujh ko teri dosti darkar hai

    main jafaon ka na karta yun gila

    aaj teri na-KHushi darkar hai

    us ki zulf aarasta-pairasta

    ek zara si barhami darkar hai

    zinda-dil tha taza-dam tha hijr mein

    aaj mujh ko be-dili darkar hai

    halqa halqa gesu-e-shab rang-e-yar

    mujh ko teri abtari darkar hai

    aql ne kal mere kanon mein kaha

    mujh ko teri zindagi darkar hai

    tez-rau tahzib-e-alam ko 'firaq'

    ek zara aahistagi darkar hai

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now