aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

samundar sab ke sab payab se hain

Akhtar Shahjahanpuri

samundar sab ke sab payab se hain

Akhtar Shahjahanpuri

MORE BYAkhtar Shahjahanpuri

    samundar sab ke sab pāyāb se haiñ

    kināroñ par magar girdāb se haiñ

    tire ḳhat meñ jo ashkoñ ke nishāñ the

    vahī ab kirmak-e-shab-tāb se haiñ

    chahak uThtā hai sāz-e-zindagānī

    tire alfāz bhī mizrāb se haiñ

    diloñ meñ karb baḌhtā rahā hai

    magar chehre abhī shādāb se haiñ

    hamāre zaḳhm raushan ho rahe haiñ

    masīhā is liye betāb se haiñ

    vo jugnū ho sitāra ho ki aañsū

    añdhere meñ sabhī mahtāb se haiñ

    kabhī nashtar kabhī marham samajhnā

    mire ash.ār bhī ahbāb se haiñ

    ḳhushī terā muqaddar hogī 'aḳhtar'

    ye imkāñ ab ḳhayāl-o-ḳhvāb se haiñ

    samundar sab ke sab payab se hain

    kinaron par magar girdab se hain

    tere KHat mein jo ashkon ke nishan the

    wahi ab kirmak-e-shab-tab se hain

    chahak uThta hai saz-e-zindagani

    tere alfaz bhi mizrab se hain

    dilon mein karb baDhta ja raha hai

    magar chehre abhi shadab se hain

    hamare zaKHm raushan ho rahe hain

    masiha is liye betab se hain

    wo jugnu ho sitara ho ki aansu

    andhere mein sabhi mahtab se hain

    kabhi nashtar kabhi marham samajhna

    mere ashaar bhi ahbab se hain

    KHushi tera muqaddar hogi 'aKHtar'

    ye imkan ab KHayal-o-KHwab se hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now