aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

raat din gardish mein hain lekin paDa rahta hun main

Mahender Kumar Sani

raat din gardish mein hain lekin paDa rahta hun main

Mahender Kumar Sani

MORE BYMahender Kumar Sani

    raat din gardish meñ haiñ lekin paḌā rahtā huuñ maiñ

    kaam kyā merā yahāñ hai sochtā rahtā huuñ maiñ

    bāhar andar ke jahānoñ se milā mujh ko farāġh

    tīsrī duniyā ke chakkar kāTtā rahtā huuñ maiñ

    ek be-ḳhaufī mujhe le aa.ī sāhil ke qarīb

    aa ke ab nazdīk sāhil ke Darā rahtā huuñ maiñ

    jaane kaisī raushnī thī kar ga.ī andhā mujhe

    is bhayānak tīrgī meñ bhī bujhā rahtā huuñ maiñ

    kar diyā kis ne mirā ā.īna-e-dil gard gard

    aks huuñ kis havā se pūchhtā rahtā huuñ maiñ

    ek jañgal ugā hai mere tan ke chāroñ or

    aur apne man ke andar zard rahtā huuñ maiñ

    ek nuqte se ubhartī hai ye saarī kā.enāt

    ek nuqte par simaTtā phailtā rahtā huuñ maiñ

    raushnī meñ lafz ke tahlīl ho jaane se qabl

    ik ḳhalā paḌtā hai jis meñ ghūmtā rahtā huuñ maiñ

    saañs lai par thiraktī hai koī azlī tarañg

    rañg-e-'sānī' dekh kar hairat-zada rahtā huuñ maiñ

    raat din gardish mein hain lekin paDa rahta hun main

    kaam kya mera yahan hai sochta rahta hun main

    bahar andar ke jahanon se mila mujh ko faragh

    tisri duniya ke chakkar kaTta rahta hun main

    ek be-KHaufi mujhe le aai sahil ke qarib

    aa ke ab nazdik sahil ke Dara rahta hun main

    jaane kaisi raushni thi kar gai andha mujhe

    is bhayanak tirgi mein bhi bujha rahta hun main

    kar diya kis ne mera aaina-e-dil gard gard

    aks hun kis ka hawa se puchhta rahta hun main

    ek jangal sa uga hai mere tan ke chaaron or

    aur apne man ke andar zard sa rahta hun main

    ek nuqte se ubharti hai ye sari kaenat

    ek nuqte par simaTta phailta rahta hun main

    raushni mein lafz ke tahlil ho jaane se qabl

    ek KHala paDta hai jis mein ghumta rahta hun main

    sans ki lai par thirakti hai koi azli tarang

    rang-e-'sani' dekh kar hairat-zada rahta hun main

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now