kisi bhi dasht kisi bhi nagar chala jata
kisī bhī dasht kisī bhī nagar chalā jaatā
maiñ apne saath hī rahtā jidhar chalā jaatā
vo jis muñDer pe chhoḌ aayā apnī āñkheñ maiñ
charāġh hotā to lau bhuul kar chalā jaatā
use bachā liyā āvargān-e-shām ne aaj
vagarna sub.h kā bhūlā to ghar chalā jaatā
mirā makāñ mirī ġhaflat se bach gayā varna
koī churā ke mire bām-o-dar chalā jaatā
agar maiñ khiḌkiyāñ darvāze band kar letā
to ghar kā bhed sar-e-rahguzar chalā jaatā
thakan bahut thī magar sāya-e-shajar meñ 'jamāl'
maiñ baiThtā to mirā ham-safar chalā jaatā
kisi bhi dasht kisi bhi nagar chala jata
main apne sath hi rahta jidhar chala jata
wo jis munDer pe chhoD aaya apni aankhen main
charagh hota to lau bhul kar chala jata
use bacha liya aawargan-e-sham ne aaj
wagarna subh ka bhula to ghar chala jata
mera makan meri ghaflat se bach gaya warna
koi chura ke mere baam-o-dar chala jata
agar main khiDkiyan darwaze band kar leta
to ghar ka bhed sar-e-rahguzar chala jata
thakan bahut thi magar saya-e-shajar mein 'jamal'
main baiThta to mera ham-safar chala jata
Source:
Akelepan Ki Intiha (Pg. 30)
- Author: Jamal Ehsani
-
- Edition: First
- Publisher: Rekhta Publications
- Year of Publication: 2018
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
