aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kabhi surat jo mujhe aa ke dikha jate ho

Ghulam Bhik Nairang

kabhi surat jo mujhe aa ke dikha jate ho

Ghulam Bhik Nairang

MORE BYGhulam Bhik Nairang

    kabhī sūrat jo mujhe aa ke dikhā jaate ho

    din mirī ziist ke kuchh aur baḌhā jaate ho

    ik jhalak tum jo lab-e-bām dikhā jaate ho

    dil pe ik kauñdtī bijlī girā jaate ho

    mere pahlū meñ tum aao ye kahāñ mere nasīb

    ye bhī kyā kam hai tasavvur meñ to aa jaate ho

    taaza kar jaate ho tum dil meñ purānī yādeñ

    ḳhvāb-e-shīrīñ se tamannā ko jagā jaate ho

    itnī ham ko bhī dikhāte ho masīhā-nafasī

    hasrat-e-murda ko aa aa ke jilā jaate ho

    nigah-e-lutf meñ jaadū hai tumhārī jānāñ

    saare shikve-gile ik pal meñ bhulā jaate ho

    shola-e-tūr se vādi-e-aiman jalā

    tum jahāñ aate ho ik aag lagā jaate ho

    hai to 'nairañg' vahī ishq ronā-dhonā

    inhī bātoñ meñ nayā rañg dikhā jaate ho

    kabhi surat jo mujhe aa ke dikha jate ho

    din meri zist ke kuchh aur baDha jate ho

    ek jhalak tum jo lab-e-baam dikha jate ho

    dil pe ek kaundti bijli si gira jate ho

    mere pahlu mein tum aao ye kahan mere nasib

    ye bhi kya kam hai tasawwur mein to aa jate ho

    taza kar jate ho tum dil mein purani yaaden

    KHwab-e-shirin se tamanna ko jaga jate ho

    itni hum ko bhi dikhate ho masiha-nafasi

    hasrat-e-murda ko aa aa ke jila jate ho

    nigah-e-lutf mein jadu hai tumhaari jaanan

    sare shikwe-gile ek pal mein bhula jate ho

    shola-e-tur se tu wadi-e-aiman hi jala

    tum jahan aate ho ek aag laga jate ho

    hai to 'nairang' wahi ishq ka rona-dhona

    inhi baaton mein naya rang dikha jate ho

    Source:

    Intekhabe Kalam (Pg. 53)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now