har gul us bagh ka nazron mein dahan hai goya

har gul us baaġh kā nazroñ meñ dahāñ hai goyā

sūrat-e-ġhuncha jo dekhūñ to zabāñ hai goyā

taak kī tarah sabhī mast paḌe aiñDeñ haiñ

mai-kada ab girav-e-bāda-kashāñ hai goyā

chashm hai turk nigah neza o mizhgāñ tarkash

zulf-e-pur-pech kā har halqa kamāñ hai goyā

jā bhiḌātā hai hamesha mujhe ḳhūñ-ḳhvāroñ se

dil baġhal-bīch mirā dushman-e-jāñ hai goyā

'hātim' ab us kī sabhī muñh kī taraf dekhe haiñ

shīsha majlis meñ yahāñ pīr-e-muġhāñ hai goyā

har gul us bagh ka nazron mein dahan hai goya

surat-e-ghuncha jo dekhun to zaban hai goya

tak ki tarah sabhi mast paDe ainDen hain

mai-kada ab giraw-e-baada-kashan hai goya

chashm hai turk nigah neza o mizhgan tarkash

zulf-e-pur-pech ka har halqa kaman hai goya

ja bhiData hai hamesha mujhe KHun-KHwaron se

dil baghal-bich mera dushman-e-jaan hai goya

'hatim' ab us ki sabhi munh ki taraf dekhe hain

shisha majlis mein yahan pir-e-mughan hai goya