agar un ke lab par gila hai kisi ka

agar un ke lab par gilā hai kisī kā

to bejā bhī shikva bajā hai kisī kā

hasīñ hashr meñ sar jhukā.e hue haiñ

vafā aaj va.ada huā hai kisī kā

vo joban bahut sar uThā.e hue haiñ

bahut tañg band-e-qabā hai kisī kā

vo ḳhud chāhte haiñ koī ab satā.e

satānā mazā de gayā hai kisī kā

jo haiñ dast-e-gustāḳh apne salāmat

to jhūTā hī va.ada vafā hai kisī kā

vo kyuuñ uTh ke ḳhalvat se mahfil meñ aa.eñ

vo kyā jāneñ kyā mudda.ā hai kisī kā

banā luuñ ḳhudā to bhī mere na hoñge

butoñ meñ koī bhī huā hai kisī kā

koī god meñ jham se aa hī gayā hai

tasavvur hameñ jab bañdhā hai kisī kā

'riyāz' aur hī rañg meñ mast haiñ ab

sunā hai pyālā piyā hai kisī kā

agar un ke lab par gila hai kisi ka

to beja bhi shikwa baja hai kisi ka

hasin hashr mein sar jhukae hue hain

wafa aaj wada hua hai kisi ka

wo joban bahut sar uThae hue hain

bahut tang band-e-qaba hai kisi ka

wo KHud chahte hain koi ab satae

satana maza de gaya hai kisi ka

jo hain dast-e-gustaKH apne salamat

to jhuTa hi wada wafa hai kisi ka

wo kyun uTh ke KHalwat se mahfil mein aaen

wo kya jaanen kya muddaa hai kisi ka

bana lun KHuda to bhi mere na honge

buton mein koi bhi hua hai kisi ka

koi god mein jham se aa hi gaya hai

tasawwur hamein jab bandha hai kisi ka

'riyaz' aur hi rang mein mast hain ab

suna hai pyala piya hai kisi ka