aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

achchha jo KHafa humse ho tum ai sanam achchha

Insha Allah Khan Insha

achchha jo KHafa humse ho tum ai sanam achchha

Insha Allah Khan Insha

MORE BYInsha Allah Khan Insha

    achchhā jo ḳhafā ham se ho tum ai sanam achchhā

    lo ham bhī na boleñge ḳhudā qasam achchhā

    mashġhūl kiyā chāhiye is dil ko kisī taur

    le leveñge DhūñD aur koī yaar ham achchhā

    garmī ne kuchh aag aur bhī siine meñ lagā.ī

    har taur ġharaz aap se milnā kam achchhā

    aġhyār se karte ho mire sāmne bāteñ

    mujh par ye lage karne nayā tum sitam achchhā

    ham mo.atakif-e-ḳhalvat-e-but-ḳhāna haiñ ai shaiḳh

    jaatā hai to pa.e-tauf-e-haram achchhā

    jo shaḳhs muqīm-e-rah-e-dildār haiñ zāhid

    firdaus lage un ko na bāġh-e-iram achchhā

    kah kar ga.e aatā huuñ koī dam ko abhī maiñ

    phir de chale kal tarah mujh ko dam achchhā

    is hasti-e-mauhūm se maiñ tañg huuñ 'inshā'

    vallāh ki is se ba-marātib adam achchhā

    achchha jo KHafa hum se ho tum ai sanam achchha

    lo hum bhi na bolenge KHuda ki qasam achchha

    mashghul kiya chahiye is dil ko kisi taur

    le lewenge DhunD aur koi yar hum achchha

    garmi ne kuchh aag aur bhi sine mein lagai

    har taur gharaz aap se milna hi kam achchha

    aghyar se karte ho mere samne baaten

    mujh par ye lage karne naya tum sitam achchha

    hum moatakif-e-KHalwat-e-but-KHana hain ai shaiKH

    jata hai to ja tu pae-tauf-e-haram achchha

    jo shaKHs muqim-e-rah-e-dildar hain zahid

    firdaus lage un ko na bagh-e-iram achchha

    kah kar gae aata hun koi dam ko abhi main

    phir de chale kal ki si tarah mujh ko dam achchha

    is hasti-e-mauhum se main tang hun 'insha'

    wallah ki is se ba-maraatib adam achchha

    Source:

    Kulliyat-e-inshaallah khan insha (Pg. 12)

    • Author: Insha Allah Khan Insha
      • Publisher: Munshi Nawal Kishor, Lucknow
      • Year of Publication: 1876
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now