yunhi kaTe na rahguzar-e-muKHtasar kahin

yūñhī kaTe na rahguzar-e-muḳhtasar kahīñ

paḌte haiñ paa.e shauq kahīñ aur nazar kahīñ

mauhūm-o-muḳhtasar sahī pesh-e-nazar to hai

dekhā kisī ne ḳhvāb ye bār-e-digar kahīñ

mā.il-ba-justujū haiñ abhī ahl-e-ishtiyāq

duniyā.eñ aur bhī haiñ varā-e-nazar kahīñ

baaqī abhī qafas meñ hai ahl-e-qafas kī yaad

bikhre paḌe haiñ baal kahīñ aur par kahīñ

ab ham haiñ aur tilism-e-tamannā kī vus.ateñ

DhūñDe se bhī na mil sakī rāh-e-mafar kahīñ

har fāsla hai jalva-gah-e-mauj-e-ittisāl

ya.anī jabīn-e-shauq kahīñ sañg-e-dar kahīñ

sadiyoñ kā iztirāb 'tamannā.ī' sauñp duuñ

mil jaa.e koī lamha-e-fursat agar kahīñ

yunhi kaTe na rahguzar-e-muKHtasar kahin

paDte hain pae shauq kahin aur nazar kahin

mauhum-o-muKHtasar sahi pesh-e-nazar to hai

dekha kisi ne KHwab ye bar-e-digar kahin

mail-ba-justuju hain abhi ahl-e-ishtiyaq

duniyaen aur bhi hain wara-e-nazar kahin

baqi abhi qafas mein hai ahl-e-qafas ki yaad

bikhre paDe hain baal kahin aur par kahin

ab hum hain aur tilism-e-tamanna ki wusaten

DhunDe se bhi na mil saki rah-e-mafar kahin

har fasla hai jalwa-gah-e-mauj-e-ittisal

yani jabin-e-shauq kahin sang-e-dar kahin

sadiyon ka iztirab 'tamannai' saunp dun

mil jae koi lamha-e-fursat agar kahin